Lawyer Lilia Hemedzhi wrote a complaint about the decision of the occupants to divide the defendants in the so-called second Simferopol Hizb ut-Tahrir case into five groups. The defender considers this action to be formal, unmotivated and biased. This was reported by the Crimean Solidarity public association.
''Qorçalayıcı öz şikâyetinde bu qarar formal, sebebsiz ve esassız olğanını qayd ete. Fikirince, işbu qarar kerçekni aks ettirmegen delillerge esaslanıp alınğandır. Öz şikâyetinde Gemeci 154 maddeniñ şartlarına esaslana, buña köre evelden yapılğan taqiqatnıñ yekünlenmesi maqsadınen cinaiy iş evelden yapılğan taqiqatnıñ ertaraflama ve obyektiv olmasına tesir etmegen alda ve kölemi büyük ya da epizodları çoq kere tekrarlanğan cinaiy işlerde bölüne bile''- dep haber ete ''Qırım birdemligi''.
Hatırlatamız ki, 2017 senesi saban ayı 27 künü Rusye işğalcileri 26 qırımtatar evinde kütleviy tintüvler keçirdiler. Bazı faalerde yasaq etilgen kitaplarnı taptılar. "Qırım birdemiligi" birleşmesiniñ malümatına köre, şu kitaplarnı quvetçiler özleri ketirip taşladılar. Kitaplardan ğayrı insanlardan telefon, planşet, noutbuk ve pasportlarını tutıp aldılar. Quvetçiler qırımtatarlarğa nisbeten qaba şekilde areket ete ediler. Olar yaqalanğan insanlarğa qarşı küç qullandılar. Evlerge ayaqqaplarını çıqarmayıp kirdiler. Tintüvlerge kelgen advokatlarnı müşterilerine yibermey ediler. Tintüvler neticesinde 20 insan yaqalandı. Olarnı Rusiyede yasaq etilgen "Hizb ut-Tahrir" teşkilâtına alâqası olğanında qabaatladılar. Saban ayınıñ 28-de tintüvler keçirilgen vaqıt evlerinde olmağan daa üç qırımtatar faalini yaqaladılar. Saban ayınıñ 27-de ve 28-de işğal "mahkemesi" tintüvlerden soñ yaqalanğan 23 insannıñ episini apiske aldı. Soñra apis müddeti defalarca uzatılğan edi.