The Mejlis of the Crimean Tatar people calls on the international community to intensify political, diplomatic and economic pressure on Russia in connection with the holding of a so-called nationwide referendum on amendments to the Constitution of the Russian Federation in the temporarily occupied territory of Crimea and Sevastopol.
"Bu areketler Rusiye halqara uquqnıñ temelli qaideleri ve başqa devletlerniñ suverenligi ve topraq bütünlügine ürmet etüv boyunca özüniñ halqara mecburiyetlerini bozğan alda yapqan daa bir cinayettir", – denile Meclis reisi Refat Çubarov derc etken Qırımtatar Milliy Meclisniñ beyanatında.
Milliy Mecliste, Qırım Muhtar Cumhuriyeti ve Aqyarda "Rusiye boyunca rey berüv" halqara cinayet olaraq sayıla, dep qayd ettiler. Şu cinayette işğalci devlet – Rusiye qabaatlıdır.
"Rusiye, işğal etilgen Qırım Muhtar Cumhuriyeti ve Aqyar şeerinde işğalci devlet olaraq yapqan cinayetler içün ceza alacağını bilip, Qırım sakinlerini iyunniñ 25-den iyülniñ 1-ce ötkerilgen qanunsız "Rusiye boyunca rey berüvde" iştirak etmege mecbur ete", – denile beyanatta.
Qayd etile ki, Rusiyeniñ işğalci akimiyeti tarafından ayrı bir basqı ve maneviy terrornı tasil, sağlıq saqlav idareleriniñ reberleri ve hızmetçileri, kommunal şirketlerniñ hadimleri, kiçik ve orta kirişim temsilcileri duyalar. Şu basqınıñ şekilleri – şantaj, qorqutuvlar, işten boşatuv, satıp aluvdır.
Qırımtatar Milliy Meclisi Birleşken Milletler, Avropa Birligi, Avropa Şurası, Avropada Havfsızlıq ve İşbirlik Teşkilâtı, bütün dünya devletleriniñ akimiyeti ve parlamentlerine halqara tanılğan sıñırlar içinde, şu cümleden Qırım Muhtar Cumhuriyeti ve Aqyarda, Ukraina suverenligi ve bütünligini ğayrıdan tiklemek maqsadınen Rusiyege qarşı halqara siyasiy, diplomatik, iqtisadiy basqını quvetleştirmege çağırta.
Qırımtatar Milliy Meclisi Ukraina prezidenti,Ukraina Yuqarı Şurası, Ukraina Nazirler Şurasını Rusiye tecavuzınıñ qaytaruvı ve Ukrainanıñ devlet bütünliginiñ ğayrıdan tiklenüvinde halqara toplulığını birleştirmek içün acele çarelerni körmege çağırta.