The defendant in the so-called third Bakhchisaray Hizb ut-Tahrir case Seytumer Seytumerov in the psychiatric hospital of Simferopol was forced to participate in the referendum on amendments to the Constitution of the Russian Federation. The political prisoner refused, which greatly outraged the hospital staff. It is reported by the Crimean Solidarity public association.
Siyasiy mabüsni ruhiy hastahanege alıp ketirgenler soñ Rusiye Anayasasına deñişmeler kirsetüvi boyunca rey berüv aqqında öz fikrini yazmağa rica ettiler.
"O, siyasiy mabüs, qırımtatarı ve Ukraina vatandaşı olam dep yazdı. İç bir rey berüvde, hususan Rusiye Anayasasına deñişmeler kirsetüvi boyunca rey berüvde iştirak etmege istemegenini yazdı. Onıñ arizası ruhiy hastahanesiniñ hızmetçilerini pek açuvlandırdı. Olar siyasiy mabüs olğanını bildirmeyip yañıdan arizanı yazmağa rica ettiler. Lâkin o, apiske alınğandan berli bütün arizalarda bunı yazğanını ve ileride de yazacağını qayd etip, kesen-kes red etti", – dedi advokat Edem Semedlâyev.
2020 senesi martnıñ 11-de Rusiye quvetçileri Bağçasaray şeeri ve Bağçasaray rayonında qırımtatarlarnıñ evlerinde tintüvler ötkerdiler. Tintüvler Seytumer Seytumerov, Osman Seytumerov, Şükri Seytumerov, Amet Suleymanov, Seydamet Mustafayev, Rustem Seytmemetov, ve Ayder Suleymanovnıñ evlerinde keçti. Bazı faallerni yaqaladılar. Martnıñ 12-de Aqmescitniñ Kiyev rayon "mahkemesi" Amet Suleymanovğa ev apisi cezasını berdi. Martnıñ 13-de "mahkeme" Bağçasaraydaki üçünci "Hizb ut-Tahrir davasınıñ" iştirakçileri Osman Seytumerov, Seytumer Seytumerov ve Rustem Seytmemetovnı apiske aldı.