On Tuesday, April 28, the Crimean Tatar Resource Center presented online an electronic database of victims of the occupation of Crimea, which will be available on the organization’s website in 4 languages on an ongoing basis. This base will help to have an objective idea of the number of victims of the occupation regime on the peninsula and to strengthen sanctions against the occupying state, said Eskender Bariev, Head of the Board of the Crimean Tatar Resource Center, member of Mejlis of the Crimean Tatar people during the online press-conference.
"Qırımtatar Maaliy Merkezi "Qırım işğaliniñ qurbanları" diagrammalarını sınıflaştırdı ve işlep çıqardı. Teşkilâtnıñ saytında yerleştirilgen açıla bilgen diagrammalar Qırım işğal etilgeninden berli elâk ya da ğayıp olğan, siyasiy sebeplerden apiste tutılğan insanlarnıñ aktual sayısını köstereler", – dep ayttı Eskender Bariyev.
Onıñ sözlerine köre, cedveller daima yañılanalar, diagrammalarnıñ episi açıla bile. Er bir kategoriyağa basıp, insanlar adlarınen cedvellerni körmek mükün.
Böyleliknen, Qırımtatar Maaliy Merkezi malümatına köre, Qırım işğal etilgeninden berli 190 insan siyasiy sebeplerden apiske alındı ya da cinaiy davalar boyunca taqip etile. Olarnıñ arasında 136 insan – qırımtatarıdır. Bu kategoriya 5 qısımdan ibaret:
– mahküm etilip tutuqta bulunğanları (42; 23 qırımtatarı)
– sıñırlavlar ya da sınav müddeti olğanları (22; 16 qırımtatarı)
– taqiqat tevqifhanesinde bulunğanları (56; 48 qırımtatarı)
– tutuqtan çıqarılğanları (44; 29 qırımtatarı)
– taqip etilgenleri (26; 20 qırımtatarı).
Qırımtatar Maaliy Merkezi malümatına köre, Qırım işğal etilgeninden berli 51 insan elâk oldı. Olarnıñ arasında 21 insan – qırımtatarıdır. Bu kategoriya 4 qısımdan ibaret:
– siyasiy repressiyalar qurbanları (2 qırımtatarı)
– ayırımcılıq qurbanları (10; 8 qırımtatarı)
– terror qurbanları (29; 7 qırımtatarı)
– polis zorbalığı qurbanları (10; 4 qırımtatarı)
Qırımtatar Maaliy Merkezi azırlağan elektron malümat toplamınıñ üçünci kategoriyası Qırım işğal etilgeninden berli ğayıp olğan insanlarnıñ sayısını köstere. Olarnıñ miqdarı 18, 13 insan – qırımtatarıdır. Bu kategoriya qıdıruvğa ilân etilgenleri (9; episi qırımtatarı) ve qıdıruvğa ilân etilmegenlerinden (9; 4 qırımtatarı) ibaret.
Eskender Bariyev, yekün çekerek Qırımtatar Maaliy Merkeziniñ adresine: [email protected] cedvellerge kirsetilmegen Qırım işğaliniñ qurbanları aqqında malümatnı yollamağa çağırdı.
Qırımtatar Maaliy Merkeziniñ matbuat hızmeti