The Crimean Tatar Resource Center, in cooperation with the Open Dialogue Foundation (ODF), the Italian Federation for Human Rights(FIDU) and other 13 human rights organizations, have signed a letter to Italian Prime Minister Giuseppe Conte. The appeal is related to the worrying Russian military presence on Italian soil, in the framework of Moscow’s “aids” to Italy during the COVID-19 outbreak.
Hitapnamede İtaliya baş naziriniñ diqqatı onıñ Rusiye prezidenti Putin ile telefonnen qonuşuvından soñ 2020 senesi martnıñ 22-de Praktika-di-Mare ava limanına kelgen Rusiye arbiy kervanınıñ strategik menfaatına celp etile. Rusiye Mudafaa nazirligi NATO azası olğan memlekette arbiy operatsiya keçirip, 15 İl-76 yük uçağı ve 100 arbiy ekim ve diger arbiy hadimden ibaret olğan taqımnı yolladı. Aqqorçalayıcılarnı, arbiy kervanğa İtaliya hududında, şu cümleden NATO arbiy bazaları yanında serbest yürmege ruhset etip, onıñ istihbarat operatsiyalarına yol berilüvi raatsızlay.
"İşançlı menbalar, Rusiye Mudafaa nazirligi idaresindeki 100 arbiy ekim ve diger arbiy hadimden ibaret olğan taqım ve 15 İL-76 yük uçağı qullanuvınen ötkerilgen arbiy operatsiya büyük ve havflı olğanı aqqında haber eteler. Bu missiya, NATO azası olğan devlet boyunca, şu cümleden NATO arbiy bazaları yanında serbest yürgen Kreml arbiy kervanınıñ strategik menfaatı aqqında tüşündüre. Böyleliknen biz onıñ istihbarat faaliyetiniñ telükesine tüşemiz. Laf halqara birdemlik printsipi ve duşman ecnebiy qarışuvından liberal degerleriniñ qorçalavı aqqında kete", – denile hitapnamede.
Bunıñ episi Avropa Birligi Rusiyege qarşı 2014 senesi mart ayında Qırım ve Donbassnı işğal etkeni içün sanktsiyalar kirsetkenine baqmadan olıp keçe. 6 yıl devamında işğal etilgen topraqlardaki resmiy ve resmiy olmağan apislerde aman-aman 97 ukrain siyasiy mabüsi ve 200 ziyade arbiy esir tutıla. Şimdi olar, iç bir qorçalayıcı çare körülmegeni sebebinden yuquv telükesinde bulunalar.
Qırımtatar Maaliy Merkezi aqqorçalayıcı teşkilâtlarnen beraberlikte Rusiye akimiyeti adından areket etken insanlarğa qarşı ilâve şahsiy sanktsiyalarnı kirsetmege çağıra. Şu sözde Magnitskiy qanunı çerçivesinde sanktsiyalar şimdi İtaliya parlamentinde muzakere etile.
