The so-called second Simferopol Hizb ut-Tahrir case defendant Yashar Muedinov was placed for forced psychiatric examination in the “Crimean Republican Psychiatric Hospital No. 1”. He is being held together with a person who, according to the political prisoner himself, has serious psychological deviations, since he is behaving inappropriately, he constantly provokes Muedinov to conflicts. It is known that while in jail, this man killed his cellmate. This was reported by the Crimean solidarity public initiative with reference to the lawyer Venera Abdyshaieva.
Yaşar Muyedinovnı mecburiy psihiatrik teşkerüvine aprelniñ 2-de yolladılar. Teşkerüvni aprelniñ 30-da bitirmege planlaştıralar.
"Muyedinov ciddiy ruhiy bozuqlıqları olğan insannen beraber tutılğanı aqqında haber etti. Şu insan özüni uyğunsız tutıp, er daim Muyedinovnı kötekke qızıştıra. Belli olğanı kibi, şu insan SİZOda bulunğan vaqıt onen beraber bir kamerada tutılğan mabüsni öldürdi. Muyedinovnıñ gece-kündüz bir kamerada böyle insannen tutılğanı onıñ ruhiy alına menfiy şekilde tesir ete", – dep qayd etti advokat.
Siyasiy mabüsniñ aytqanına köre, o, defalarca mahkeme-psihiatrik teşkerüvi erkek bölüminiñ müdirinden onı başqa palatağa keçirmege rica etti. Amma onıñ muracaatlarını körmemezlikke urdılar.
"Fikrimce, menim müşterim şimdi telüke altındadır. Bölüm müdiriniñ areketsizligi sebebinden onıñ aqları bozula. O, mahkeme-psihiatrik teşkerüvinden keçirilgen vaqıt tibbiy müessise içinde qanunsız ruhiy tesirge oğradı. Bu sebepten men prokuraturağa şikâyet ve hastahane memuriyetine ariza azırladım. Muyedinovnıñ sözlerine köre, Raim Ayvazov da aynı şu alda buluna", – tarif etti Venera Abdışayeva.
2019 senesi martnıñ 27-de Rusiye quvetçileri işğal etilgen Qırımda qırımtatarlarnıñ evlerinde kütleviy tintüvler keçirdiler. Tintüvler 26 evde ötkerildi. Bazı faalerde yasaq etilgen kitaplarnı taptılar. "Qırım birdemiligi" birleşmesiniñ malümatına köre, şu kitaplarnı quvetçiler özleri ketirip qoydılar. Kitaplardan ğayrı insanlardan telefon, planşet, noutbuk ve pasportlarını tutıp aldılar. Quvetçiler qırımtatarlarğa nisbeten qaba şekilde areket ete ediler. Tintüvlerge kelgen advokatlarnı müşterilerine yibermey ediler. Tintüvler neticesinde 20 insan yaqalandı. Olarnı Rusiyede yasaq etilgen "Hizb ut-Tahrir" teşkilâtına alâqası olğanında qabaatladılar. Martnıñ 28-de tintüvler keçirilgen vaqıt evlerinde olmağan daa üç qırımtatar faalini yaqaladılar. Martnıñ 27-de ve 28-de işğal "mahkemesi" tintüvlerden soñ yaqalanğan bütün 23 insannı apiske aldı. Soñ olarnıñ apis müddetlerini defalarca uzattılar.