Yañı yılda yañı sıfatta

December 30, 2022

Qırımtatar resurs merkezi öz faaliyetini 7 yıldan ziyade alıp barmaqta. Bütün bu zaman içinde yerli, milliy, halqara seviyede büyük kölemde iş yapıldı. Küçümizni Qırımnıñ zorbalıqsız deokkupatsıya, reintegratsıya ve inkişafına ve Ukraina territoriyasınıñ bütünligini tiklemek oğrunda sarf etmektemiz.

Bizim içün eñ mühimi:

Qırımtatar halqınıñ toplu haqlarını ve Ukrain vatandaşlarınıñ şahsiy haqlarını temin etmek;

Ukraina territoriyasında RF tarafından kerçekleştirilgen harbiy cinayetler ve insan haqlarını bozuvlarını qayd etmek ve resmiyleştirmek;

Ukraina qanun leyhalarını işlep çıqarmaq;

Medeniy-maarif teşebbüslerge qoltutmaq;

Qırımnıñ inkişaf unsurlarını araştırmaq ve talil etmek;

İnformatsıon- maarif işlerini amelge keçirmek.

Şundan da ğayrı, kommunikatsıya, sayt ve içtimaiy ağlarnıñ iyileştirilmesi, inkişaf ettirilmesi üzerinde ciddiy çalışamız.

Saytımıznı bütünley yañartqanımıznı memnüniyetnen bildiremiz. Saytımıznı ukrain, rus, ingliz ve qırımtatar tilinde oqumaq mümkün. O, daha da qolay, oñaytlı, zemaneviy oldı: https://ctrcenter.org/ru

Endiden soñ yeñişlerimiz, faaliyetimizniñ yönelişlerinen daha qolay tanış olmaq mümkün. Biz her kün çalışamız ve inkişaf etmege tırışamız.

İşğal etilgen Qırımda ve Ukrainanıñ diger işğal etilgen territoriyalarındaki vaziyet haqqında haber almaq içün içtimaiy ağlarımızğa yazılıñız:

Facebook: https://www.facebook.com/ctrcenter

İnstagram: https://www.instagram.com/ctrc_center/

Тelegram: https://t.me/ctrcenter

Twitter: @ctrcenter

Begenmeler qoyıp, derclerimiznen paylaşıñız.

 Her bir mahsuldar faaliyet maddiy masraflarnen bağlı. QRM faaliyetini nevbetteki bağlantı boyunca desteklemek mümkün: https://cutt.ly/iGhmUPg