2024 senesi 11-12 aprel künleri Vaşıngtonda tamır halqlarnıñ barış qurucılığı meseleleri boyunca Birinci Global sammiti olıp keçti.
AQŞ barış institutı bütün dünya tamır halqlarnıñ 50 liderini bir arağa topladı. Ayrıca da, QRM reisi, qırımtatar Milliy Meclisi tış bağlar ve huquq faaliyeti idaresiniñ yolbaşçısı Eskender Bariyev ve QRM yuristi Lüdmila Korotkih de tedbirge qoşuldılar.
Eksender Bariyev mezkür tedbirniñ emiyetini qayd etti:
- Global Sammitni teşkil eticilerinden biri ukraina tamır halqnıñ teşkilãtı- Qırımtatar Resurs Merkezidir;
- QRM temsilcileri ukraina tamır halqlarnıñ rusiye tarafından Ukrainağa qarşı köstergen zulum şaraitinde vaziyetini açıqladılar ve Sammitte bütün dünya tamır halqlarnıñ temsilcileri iştirak etti.
- Global Sammit dünya tamır halqlar temsilcileriniñ Barış oğrunda sistemli şekilde öz –ara çalışmaları içün daima açıq Halqara Platforma olacaq;
- Tamır Barışqurucılarnıñ Birinci Global Sammitniñ rezolütsiyası qabul olundı ve imzalandı. Mezkür vesiqada tamır halqlarnıñ öz haqları oğrunda küreşmeleri içün birleşmek niyetleri belgilendi.
Daha çoq bilmek içün haberlerimizni taqip etiñiz.