27 iyülden başlap Ukrainada dekolonizatsıya haqqında qanun çalışmağa başladı. Mezkür qanun mücibi coğrafik adlarğa dair bir sıra yasaqlar kerçekleştirile.
İşbu qanunğa köre:
- Rusiye imperiya siyaseti cinayetçi tanıla ve tekbih etile;
- Rusiye imperiya siyaseti ve timsalleriniñ teşviqatı yasaq etile;
- Coğrafik obyektlerge rusiye imperiya siyasetiniñ timsallerini, hem de terrorist devletiniñ abide, tarihiy ve medeniy yerlerni, mesken yerlerini, tarihlerini bulundırğan ya da teşviq etken adlarnı bermege yasaq etile;
- Ukrainada rusiye imperiya timsallerini işlep çıqarmaq, darqatmaq, qullanmaq yasaq etile.
Qırımtatar Resurs Merkezi ukrain şeher-köylerniñ, şu cümleden Qırımdaki, derusifikatsıyasına diqqat etilmesine çağıra. İşbu maqsatnen QRM ve qırımtatar Mİlliy Meclisi 2023 senesi yanvar ayında ‘Adlarnı qaytarmaq- Qırımnı qaytarmaqtır’ adlı informatsion kampaniyanı başlatqan edi.
Mezkür kampaniya çerçivesinde Qırımda toponimlerni ne vaqıt ne içün deñiştirgenlerini, tamır halqlar, Ukraina ve halqara cemaatçılıq içün Qırımda tarihiy adlarnıñ qaytarılması ne içün o qadar emiyetli olğanını añlata.