Ukraina tamır halqları içün tarihiy toponimlerniñ yoq etilmesi büyük zarar ketirdi. Bu da ayrıca 1944 senesi qırımtatarlarnıñ haqsız sürgünliginden soñra daha çoq duyuldı. Tamam şu zamanlarda eñ çoq coğrafik adlar deñiştirildi. Sovet devri qırımtatarlarnen bağlı her şeyni yoq etmege tırışa edi. Aynı siyasetni al-azırda rusiye hakimiyeti devam etmekte.
Qırımdaki mesken yerlerniñ acele uydurılğan rusiye adları hiç bir mana ya da qıymet taşımay. Aqiqiy adlar ise aksine pek degerlidir. Tarihiy toponimlerniñ yañıdan tiklenilmesi-Ukraina tamır halqlarnıñ tarihı ve medeniyetini saqlamaq oğrunda mühim adımdır.
Birinciden, yarımadada aqiqiy adlarnıñ qaytarılması Qırım ukrain yarımada olğanını numayış eter. Ukraina haritalarında belgilengen adlar halqara haritalarda da yer alacaqlar. Böyleleliknen bütün dünya ukrain Qırımda ukrain, qırımtatar, qırımçaq, qaray köy ve şeherler bar olğanını körecek.
Ekinciden de, toponimlerniñ yañıdan tiklenilmesi işğalcılarğa qarşı ideologik cenkniñ bir usulıdır. İnfomatsıon meydanda qırım şeheriniñ kerçek adı peyda olğanınen, şu şeherniñ adı deñişkeninden evel aqiqiy tarihı aşikãr ola. Yarımadada tamır halqlarına ait tarihı!
Kerçekten, qırımtatar medeniyeti bir parçası olğan ukrain medeniyetiniñ degeri ölçülmezidr. Aynı Qırım adlarınıñ yañıdan tiklenilmesi sayesinde yarımadanıñ kerçek tarihını saqlap, onıñ ile bütün dünyanı tanıştıra bilemiz.
Toponimlerni yañıdan tiklemek – tarihnı saqlamaq demektir!
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.