QRM Halqara tamır halqlar künü munasebetinen içtimaiy ağlarda informatsıon akstiyanı başlay. Her kesni mezkür kampaniyağa qoşulmağa davet etemiz.
Her yıl 9 avgustta Halqara tamır halqlar künü qayd etile. Dünyanıñ 90 ülkesinde 476 millionğa yaqın tamır halqlar temsilcisi yaşamaqta. Ukrainada ise 3 tamır halq bar: qırımtatarlar, qaraylar ve qırımçaqlar.
Zenginligimiz çeşitliligimizde olğanını añlamalımz. Yazıq ki, 9 yıldan berli tamır halqlar cenk şaraitlerinde yaşamaqtalar. Şundan da ğayrı, tamır halqlarnıñ Vatanını Rusiye öz harbiy bazası ve Ukrainanı ücüm etmek içün bir meydan olaraq qullanmaqta.
Şimdi bu ağır zamanlarda küreşimizni birlikte devam etmek pek emiyetlidir. Ukrain, qırımtatar, qaray, qırımçaq halqlarnıñ tek bir maqsadı bar – serbest, bütün, mustaqil Ukrainada yaşamaq!
‘Tamır halqlar Ukraina içün emiyetlidir’ aktsiyamızğa qoşulıñız, plakatnı paylaşıñız ve #LIBERATECRIMEA heştegini unutmañız! QRM kampaniyasına qoşulmaq içün bağlantı boyunca keçiñiz:
Facebook: https://www.facebook.com/CTRC2015 https://www.facebook.com/liberatecrimea
Twitter: https://twitter.com/ctrcenter
Instagram: https://www.instagram.com/ctrc_center/
Telegram: https://t.me/LIBERATECRIMEA
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Leyhanıñ mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.