2014 senesi Qırım işğal etilgen soñra rf evelden kerçekleştirilgen praktikanı devam eterek, yarımadada tarihiy toponimlerni yoq etmege, çeşit soqaq, meydan, muessiselerine ‘rusiye qaramanları’nıñ hatırasına adlandırmağa tırışa.
Misal olaraq, 2022 senesi dekabr ayında Aqmescitte üç qasabağa ‘mahsus harbiy operatsıya qaramanları’nıñ adları qoyuldı. Şeherde böyle kibi adresler peyda oldı:
– Vatan Qoruyıcıları soqağı;
– Maksim Dzüba soqağı;
– Viktor Gudkov soqağı;
– Vladislav Dorohin soq.;
– Maksim Starovoytov soq.
Şundan da ğayrı, 2019 senesi işğalcılar yarımadanıñ adını ‘Tavrida’ğa deñiştirmek meselesini muzakere ettiler. Rusiyelilerge köre, yarımada adınıñ deñişmesi ‘onıñ rusiye statusınıñ pekinmesine qoşma bir sebep olur’. Faqat bu teşebbüs muzakere seviyesinde qaldı.
İşğalcılar Qırım tamır halqlarınıñ yarımadanen bağlarını üzmek içün elinden kelgenini yapalar, kerçek tarihını yañıdan yaza ve ‘Qırım daima rusiyelilerniñ’ olğanını tasdiqlamağa tırışalar.
Bugünde bugün umumiy ğalebemiz içün Qırımnıñ tarihiy toponimlerini yañıdan tiklemege pek emiyetlidir.
Ğalebe haritasında tek doğru adlar olmalı!
Kampaniya ‘Tiklenüv’ Halqara Fondu ve European Endowment for Democracy destegi ile kerçekleştirile. Mezkür plakat ise QRM faalleri ve göñüllileri tarafından işlep çıqarıldı ve ukrain ressamı Andrey Yermolenkonıñ ustalığı ile öz sıfatına malik oldı.