Qırımtatar resurs merkeziniñ yuristleri 2023 senesi yanvar ayında 29 yuridik mesleat keçirdi.
Yuridik mesleatlar nevbetteki meselelerge dair edi:
- Vesiqalarnı hazırlav (ukrain vatandaşlıq pasportı, Ukrainağa qaytmaq içün vesiqalar, doğuv şeadetnamesi);
- İşğal etilgen territoriyalardan Ukrainanıñ nezaretinde olğan territoriyalarğa üçünci devletlerden kiriş meselesi;
- Qanunsız işten boşatmalar munasebetinen emek haqları meselesi;
- İşğal etilgen territoriyalarda ölgenlerden qalğan mirasnı aluv.
Şunı qayd etmek ister edik ki, ukrain vesiqalarnıñ hazırlanılması ve işğal etilgen territoriyalardan çıquv meseleleri eñ aktual sayılır.
İşimizni devam etemiz!
Yuridik yardım almaq içün evelden nevbetteki telefon nomerası ie bağlanmağa rica etemiz: +38 067 343 74 54 (Signal, Telegram).