Qırımtatar Resurs Merkezi ve qırımtatar Milliy Meclis Qırım işğaline muqavemet Künü munasebetinen ‘O vaqıt küreştik, şimdi yeñermiz’ adlı kampaniyasını başlay.
Qırım işğali 9 yıldan berli devam etmekte, rus-ukrain cenki başlağanına da bir yıl oldı. Ukrainler hayatlarını büs-bütün deñiştirmege mecbur oldılar.
Hatırlatmaq kerek ki, Ukrainada cenk 2014 senesi, yani Rusiye Qırımnı işğal etkeninde başladı. 9 yıldan berli qarşılıq köstermege devam etmektemiz. Şimdi de Ukraina halqı bir maqsat etrafında birleşmekte. Biz küreştik, küreşemiz ve ğalebeni qazanmağance küreşmege devam etecekmiz!
Qırımtatar Resurs Merkezi Qırım işğaline muqavemet Künü munasebetinen ‘O vaqıt küreştik, şimdi yeñermiz’ adlı kampaniyasını başlay. Tedbir ukrain halqınıñ milliy ruhunıñ köterilmesine doğrultıla. Pervasız qalmağanlarnı bizge qoşulmağa, plakatlarnıñ birini öz içtimaiy ağlardaki sahifeleriñizde paylaşmağa davet etemiz.
İşğalcığa ve bütün dünyağa ğalebe oğrunda, Qırımnıñ qaytarılması içün, insan haqlarınıñ bozuvlarını toqtatmaq içün küreşmege devam etkenimizni numayış etmelimiz. Böyle etip, işğalcı rejiminiñ qurbanları olğan, işğal etilgen territoriyalarda qalğan vatandaşlarımıznen birdemligiñizni köstermege çağıramız.
