0-31 mayıs künleri Kiyevde ‘Ukrainanıñ medeniy mirası: #ДействуйРадиНаследия’ forumı olıp keçti. Tedbirde Ukrainanıñ çeşit köşelerinden ve çetelden 100-den ziyade adam iştirak etti.
Forumğa QRM reisi ve Milliy meclis azası Eskender Bariyev ve QRM-niñ kommunikatsiya meneceri Tatyana Savçuk iştirak ettiler.
Tedbir teşkilãtçıları Ukrainanıñ medeniy mirasınıñ saqlanılması, qoruvı sahasında munaqaşa ve kütleviyleştirme maqsadınen bir meydan asıl etmege tırışa ediler. Mezkür meydanda grajdan cemiyet, medeniy cemaatlar ve halqara teşkilãtlar iştirak ettiler. Bu tedbir medeniy miras ve havfsızlıq ve tasilnen bağlı edi.
Munaqaşalar ketişatında iştirakçiler tarafından nevbetteki mevzular muzakere etildi:
– ‘Medeniy miras milliy ve avropa havfsızlıq strategiyasınıñ bir unsurı olaraq’
– ‘Miras içün savaş’
– ‘Qanun: qoruv ya da maniamı’
– ‘Medeniy miras sahasında raqamlaştırma’
– ‘Maarif ve medeniy miras’
– ‘Şahsiy kollektsıyalarnıñ institutleştirilmesi ve devlet sektorınen bağlantı’ ve il.
– Şundan da ğayrı, siyaset ve medeniy miras saasında RES-POL analitikanıñ taqdimi. RES-POL leyha ekspertleri 5 tögerek masa keçirip, esas meseleler boyunca iş yönelişlerini muzakere ettiler:
– ‘Taşılğan miras’
– ‘Medeniyet Nazirligi ve informtasıon siyasetke tabi olmağan miras’
– ‘Taşınmağan miras’
– ‘Maddiy olmağan miras, maddiy olmağan medeniy miras sahasında glossariy ve usulcılıq meseleleri’
– ‘Memorializatsıya’
Forumda ‘Miniatür Ukraina’ sergisi numayış etildi. Sergide 3D printerde çıqarılğan meşur ukrain medeniyet ve tarih yadikãrlıqları taqdim etildi. Şu cümleden rusiye zulumından zarar körgen abideler de.
Ortaq ve işdeşlerimizge, tedbirniñ teşkilãtçılarına yañı bilgilerge sahip çıqmaq imkãnları içün pek minnetdarmız.
Forumnıñ teşkilãtçıları: Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketi. Ortaqlar: Ukraina medeniyet ve informatsıon siyaset Nazirligi, UNESCO Desk in Ukraine, House of Europe, Ukrain institutı.