QRM tamır halqlar haqları boyunca Ekspert mehanizmine ‘BMT(OON) tamır halqlarnıñ haqları haqqında Deklaratsıyanıñ 38 maddesi mücibi Deklaratıyanıñ maqsadına yetmek içün devletler tarafından yapılacaq amellerde yardım kösterecek qanun, siyaset, anayasalar, mahkeme hükümleri ve diger usullar’ araştırması içün esabat yolladı.
Mezkür araştırma leyhası Ekspert mehanizmi tarafından 2024 senesi iyül ayında keçirilecek heryıllıq 17-nci sessiyada taqdim etilip, soñra tamamlanıp, 2024 senesi sentãbr ayında insan haqları boyunca Keñeşiniñ 57-nci sessiyasında taqdim etilecek.
Ayrıca QRM rf tarafından işğal etilgen Qırımda qırımtatarar taqip etilgeni, 2016 senesi qırımtatar temsil organı- Milliy Meclisniñ faaliyeti yasaq etilgeni haqqında malümatlarnı taqdim etti.
‘Rusiye işğalcı hakimiyet Qırımda qırımtatar halqnı tamır halq olaraq tanımay ve 2016 senesi RF Aliy Mahkemesi qırımtatar Milliy Meclisni ekstremist teşkilãt olaraq tanıp, faaliyetini yasaq etti’,- denile esabatta.
Qarşılıq olaraq, Ukraina BMT(OON)tamır halqlar haqları haqqında Deklaratsıyasınıñ amelge keçirilmesi oğrunda bayağı ğayret köstere, faqat bir de bir neticege irişmek içün bir sıra meselerni çezmeli.
‘Ukraina tamır halqları haqqında’ qabul etilgen qanun tamır halqlarnıñ haqlarını tam manda amelge keçirmey, şu cümleden öz-özüni tayin etmek haqqını. Ukrainada şimdi mevcut olğan huquqiy sistemağa köre mekzür mesele Ukraina Anayasasına deñiştirilmeler kirsetilmesinen çezile bilir, faqat memlekette cenk vaziyetinde böyle kibi qararnı almaq içün mehanizmler yoq’, – qoştı ekspertler.