Qırımtatar Resurs Merkeziniñ reisi Eskender Bariyev öz Facebook sahifesinde vaqtınca işğal etilgen cenüp ve Qırımdaki vaziyet haqqında tarif etti.
· Geniçesk rayonında işğalcılar yerlerni qaza ve yalı qorularını yıqtıralar. Geniçeskniñ özünde rus askerleri çoq olmasa da, harbiy polis bayağı bar. ‘Priboy’ rahatlıq bazasını işkence yerine çevirdiler.
· Or Qapı çöllerinde minalar yerleştirildi.
· Canköyde rusiye tehnikası çoq, eski aerodrom harbiy tehnikanen bütünley tolu.
· İçki rayonında işğalcılar Dmitrovka ve Nekrasovka köyleri yanında qazalar.
Hatırlatamız ki, tünevin Canköyde patlavlar eşitildi. Belli olğanı kibi, rusiye qanatlı raketalar demiryoldan keçirilgende yoq etildi. Şundan da ğayrı, lokomotiv deposı, mahsulat ve yaqarlıq mağazları zarar körgeni de belli oldı.