QRM işğal etilgen Qırımda eski toponimlerniñ qaytarılmasına doğrultılğan bord kampaniyasını bütün Ukraina boyunca başlattı.
Hatırlatamız ki, soñki üç asır devamında Qırım yarımadası rusifikatsıya ve sovetizatsıyağa oğratıldı ki, o da coğrafik adlarnıñ deñiştirilmesinde açıq-aydın ifade olundı.
Eñ-evelã rusiye hakimyeti Ukraina tamır halqlarnıñ medeniyeti, tili, tarihını yoq etmek ve vatanlarınen bağını üzmek içün elinden kelgenlerini yapa. Qırımda biñlernen mesken yerlerni coğrafik obyektlerniñ adları deñiştirildi. Misal olaraq, Aqmescit Simferopol oldı, Aqyar- Sevastopol, İçki- Sovetskoye olıp qaldı.
Bugünde-bugün Qırımnıñ tarihiy toponimlerniñ qaytarılması oğrunda çalışmaq soñ derece emiyetlidir, çünki böyle etip sürgün etilgen qırımtatar halqı içün adaletni tiklemek ve özgünligini saqlamaq imkãnları açılır. Şundan da ğayrı, Qırımda tarihiy toponimlerniñ qaytarılması-Qırımnı işğalden azat etmek içiün ve ğalebemizge alıp ketken ciddiy adımdır.
Fotoda Çernigovda yerleştirilgen plakatlarnı köresiz. Birazdan böyle kibi bordlar Ukrainanıñ diger şeherlerinde de yerleştirilecek.
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.