Human Rights Watch (HRW) 2023 senesi insan haqları boyunca global esabatnı beyan etti. Mezkür vesiqada vaqtınca işğal etilgen Qırımğa ayrı diqqat ayırıldı.
‘İşğal etilgen Qırımda insan haqlarınıñ amelge keçirilmesinen bağlı vaziyet fenalaşa. Rusiye hakimiyeti işğalge qarşı olğanlarnı taqip etti, ayrıca da siyasiy cehetten faal qırımtatarlarnı, şu cümleden yurist ve jurnalistlerni,’- qayd etile esabatta.
Ayrıca da, huquqqoruyıcılar QRM ekspertleriniñ işğal etilgen Qırımda insan haqlarınıñ bozuvları haqqında malümatlarnı közge aldılar: tutuqlama, cöreme, hapisler ve il.
Hatırlatamız ki, QRM muntazam şekilde işğal etilgen Qırımda ve yañı işğal etilgen Herson ve Zaporojye vilãyetlerinde insan haqlarını bozuvlarını nezaret ete. Yılnıñ her çeriginde mezkür territoriyalar boyunca insan haqları bozuvlarınıñ talinini taqdim etemiz.
Salı künü, 16 yanvarde, saat 12.00, QRM Ukrain krizis matbuat merkezinde 2023 senesi işğal etilgen Qırımda insan haqları bozuvlarınıñ talilini taqdim etecek. Şundan da ğayrı, QRM Ukrinada cenk başlanğanından berli Herson ve Zaporojye vilãyetlerinde insan haqları bozuvlarınıñ talilini taqdim etecek.