Cumaaqşamı künü, 12 oktãbrde QRM ‘Ukrinform’ informatsıon agentliginde ‘İşğal etilgen Qırımda NATOğa dair sahte haberler’ mevzusında taqdim keçirdi. Tedbir devamında spikerler 2023 senesi iyül-oktãbr ayları işğal etilgen Qırımda NATOğa dair sahte haberler darqalması haqqında tarif etti.
Spikerler:
Eskender Bariyev- Qırımtatar resurs merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı
Sergey Parhomenko- QRM meneceri
Oleg Remizov – NATO içtimaiy diplomatiya İdaresiniñ rus tlli raqam kontenti boyunca mutehassıs
Moderator: Tatyana Savçuk- QRM kommunikatsıya meneceri
‘Sahte haberlerniñ darqalması bayağı havflıdır. Yalan haberler vastasınen insanlarnıñ fikrinen idare etmek çette qalsın, cenk çıqarmaq mümkün. Böyle etip yalan bilgiler, sahte malümat ve teşviqat RF esas aletleri sayılır ki, olarnı onlarnen yıl devamında, yazıq ki işğal etilgen territoiriyalarda şu cümleden Qırımda da işleteler’, – dedi Tatyana Savçuk.
QRM meneceri daha qayd etti ki, işğal etilgen Qırımda KHV sahte bilgileri hiç yañılıq degildir. Al-azırda QRM NATO haqqında sahte malümatlarnıñ közetilmesi ve tüzetilmesi emiyetli, dep saya.
‘QRM umumen alğanda 70-ten ziyade yalan haberni ortağa çıqardı ki, olar 800 biñden ziyade adamnı qaplap aldı’,- qayd etti Tatyana.
Eskender Bariyev aytqanına köre, iyül-oktãbr aylarında NATOğa dair sahte haberlerniñ sayısı hiç eksilmedi. NATOnı Qırımnen bağlı mevzularda añılması da artmaqta. Bu da işğal etilgen Qırımda USK tarafından rf arbiy obyektlerge ücümlernen bağlıdır. Teşviqatnıñ maqsadı-‘NATO yarımadada barış hayatını yoq etmek niyetli’olğanını köstermektir.
‘Teşviqatçılarnıñ artıq qalıp olaraq pekinip qalğan ibarelerinden: ‘NATO- faşist teşkilãtı’, ‘NATO-arbiy-siyasiy blok’, ‘NATO ordusı’, ‘NATO bazaları’, ‘NATO silãhları’ ve il. NATOğa ait ayrı devletler, şu cümleden AQŞ, Büyük Britaniya añılmaqta,’- qoştı o.
Yalan haberlerni darqatqanlar arasında birinci yerde resmiy şahıslar( Medvedev, Zaharov), satqınlarnı (Konstantinov, Aksönov, Saldo) añmaq kerek. Kütleviy Haber Vastaları arasında ise NATOnen bağlı sahte haberlerni yayınlağanlardan KRIM24, RİA NOVOSTİ KRIM, LENTA NOVOSTEY KRIMA, FORPOST Sevastopol, Komsomolskaya pravda, telegramm kanallar: Zarã Novosti, Sevastopol, Krım, Vesti Krım, Krım24, qırım satqınları, şu cümleden Konstantinovnıñ telegramm-kanalları.
‘Böyle areketlernen kreml NATO devletleri ve Avropa Birligi Ukraina ve rf añlaşmağa başlaycağına işana’,- qayd etti Bariyev.
Sergey Parhomenko aytqanına köre, rf qırımlılarnı Ukraina Brüssel ve Vaşingtondan tabi olğanına qandırmağa tırışa. Agressor devletniñ bu informatsıon basqısı ğarbiy ortaqlarğa doğrultılğan.
‘rf tarafından azırlanılğan manasız sahte haberlerniñ sayısı hep artmaqta, faqat olar biri-birineolduqça oşamaqtalar. Yaqında ‘Lenta novostey Krıma’ telegramm kanalında Rusiye NATOnıñ mahsus quvvetler ştabını yoq etkeni haqqında haber derc etildi. Faqat bilemiz ki, böyle añlam bile yoq, çünki mahsus quvvetler ştabları NATO azaları olğan ayrı devletlerde bardır’,- qoştı o.
Oleg Remizov atqanına köre, krem NATOğa dair yalan uydurıp darqatqanıñ maqsadı- alyansnıñ özünde qalabalıq çıqarmaq, avropa vatandaşlarınıñ demokratik institutlarına işançını qırmaqtır.
‘NATO rf-nıñ yalanlarınen kerçek bilgiler ve cemiyet ve KHV ögünde açıq ve aqiqiy olmaqnen küreşe. Biz informatsıon muhitni talil etip, yalan bilgilerni yaqalay, ortağa çıqaramız, doğrulıqnı kösteremiz,’- qayd etti o.