Rf-nıñ bütün areketleri, Qırım işğalinden başlap, cinayet sayılır ve halqara huquqnı qaba şekilde bozmaqta. Faqat her bir haq bozulması içün Qırımda belli bir insan mesüliyetlidir. İşğal etilgen Qırımda insan haqları bozulmasına alãqası olğanlar ceza alğanları pek emiyetlidir.
Hatırlatamız ki, QRM Magnitskiy Aktı misalinde qanunlarnı amelge keçirmek orğunda çalışmaqta. Biz vaqtınca işğal etilgen territoriyalarda işğalcı hakimiyetnen işbirlik yapqan şahıslarğa qarşı ayrı sanktsıyalar kirsetmekniñ kerekligine qıymet kesüv Usuliyetini işlep çıqardıq.
Mezkür usuliyet esasında QRM ekspertleri işğal etilgen Qırımda insan halqarını bozğan 166 şahıstan ibaret cedvelni taqdim ettiler. Şundan da ğayrı, siyasiy mahbüsler, tuvğanları, Qırım faalleriniñ taqibine ait olğan şahıslarnıñ tasnifi de taqdim etildi:
- FHH(FSB) hadimleri
- İİN(MVD) hadimleri
- Prokuratura hadimleri
- Hakimler
- Mahkeme kãtipleri
- Ekspertler, ekimler
- FSİN hadimleri
- Tayin boyunca advokatlar
- Diger hızmet hadimleri (nazirler, FİN, tetqiq komiteti ve il.)
İşğal etilgen Qırımda insan haqlarınıñ bozulmasına alãqası olğanlarnıñ tafsilãtlı cedvelinen bizim diargammamızdan tanış olmaq mümkün.
2021 senesi sentãbr ayında QRM işğal etilgen Qırımda insan haqlarınıñ bozuluvı içün mesüliyetli 50 şahıstan ibaret cedvelni Ukraina çetel işler Nazirligi, Ukraina Prezidenti ofisi, Ukraina Havfsızlıq Hızmeti, AQŞ, Büyük Britaniya, Kanada, Estoniya, Latviya, Litva ve AB elçiliklerine yollağan edi.
İşimizni devam etemiz.