QRM BMT(OON) insan haqları boyunca Aliy komissar İdaresine ‘İnsan haqlarını qorumaq ve ilerilemek içün qurbanlarnı qayd etilmesiniñ emiyeti haqqında’ esabatnı yolladı.
Esabat İnsan haqları boyunca Keñeşine Aliy komissarnıñ munasip maruzası içün yollanıldı.
QRM ekspertleri 2015 senesinden berli işğal etilgen Qırımda insan haqlarınıñ bozulmasını, 2022 senesi, fevral ayından başlap ise Rusiye tarafından Ukrainada amelge keçirilgen cinayetlerni qayd etkenlerini añlattılar.
‘QRM BMT(OON)nıñ İŞ ğruppasına zorbalıqnen ğayip olğan 60 adam haqqında bilgini vaqtında qayd etip yollağanları sayesinde olar vaqtında tapılıp,evlerine qaytarıldılar’,- denile vesiqada.
RF cinayetleri haqqında bilgi ve qaydları hüküm cehetinden pek mühim malümat olğanı sebebinden, QRM rusiye tarafından yapılğan harbiy cinayetlerniñ elektron cedvelini tizdi.
Cinayetlerniñ qayd etilmesi mesüliyetlikke çağırmaqnen temin etüvde ciddiy bir unsurdır. Şunıñ içün QRM 2018 senesinden insan haqlarınıñ bozuluvı içün mesüliyetli olğan şahıslarğa qarşı sanktsıyalar kirsetilmesi üzerinde çalışmaqta.
‘QRM fikrine köre, mesüliyetlikke çağırmaq şu yapılğan cinayetlerniñ tekrarlanmasına yol bermemektir. 1944 senesi qırımtatar sürgünligini teşkil etkenlerniñ cezasız qalınması böyle siyasetniñ 2014 senesi Qırımda devam etilmesine yol açtı ve 2022 senesi bütün Ukrainağa yayınlamasına ketirdi’,- bildirildi teşkilãtta.
