Qırımtatar resurs merkezi öz işini 8 yıldan berli alıp barmaqta. Bu vaqıt içerisinde yüzlernen aktsıya, onlarnen advakatsıon ve informatsıon kampaniya, sergiler, sayd-ivent, trening, matbuat-konferentsıya, vesiqalı filmlerniñ taqdimlerini, seminarlar, mektep, kamp, akademiyalar ve diger faaliyetni amelge keçirdik.
İşimiz heryıllıq esabatlarımızda aks oluna. Olarnen saytımzıda tanış olmaq mümkün.
Böyle kibi iş QRM temsilcilerinden yüksek seviyesini talap ete. Özüni sistemli şekilde inkişaf ettirmeli, öz bilgilerini arttırmaq ve mükkemeleştirmek içün dünya praktikası ve tecribesinden faydalanmalı.
Şunıñ içün de QRM taqımı bir yerde turmayıp, hep ilerilemege devam etmekte. QRM meneceri Zarema Bariyeva ve kommunikatsıya menecerei Tatyana Podvornãk ‘Tiklenüv’ halqara fond tarafından keçirilgen ‘Cemaat teşkilãtınıñ biryıllıq esabatı: ne içün? kimler içün? Nasıl etip?’ adlı seminarda iştirak ettiler. Biz ilerilemege ve esabatlarımız daha meraqlı , daha parlaq olmasına tırışamız. Esabatlarnen tanış olğan insanlar ise strategik maqsatlarımıznı qolay añlamalarını ve teşkilãtımıznñı faaliyetini közete bilecegini isteymiz.
Tedbirni teşkil etken işdeşlerimizge yañı bilgilerge sahip olmaq imkãn bergenleri içün minnetdarmız. Yaqın zamanda esabatımız sizni ayrette qaldırır degen ümüttemiz.
Hep ileri!
