Cumaaqşamı künü 20 aprelde Qırımtatar Resurs Merkeziniñ reisi Eskender Bariyev ve QRM meneceri Lüdmila Korotkih BMT(OON) tamır halqlarnıñ haqları boyunca mahsus maruzacısı Fransisko Kali Tsaynen Nyu Yorkta körüşti.
QRM temsilcileri Fransisko Kali Tsay beyni Ukraina tamır halqlarnıñ cenk şaraitlerinde vaziyetinen tanış ettiler. Qırım Platforması haqqında tarif ettiler. Belli olğanı kibi Qırım Platformasında tamır halqlar haqlarınıñ tiklenilmesi boyunca iş gruppası çalışmaqta. QRM temsilcileri mahsus maruzacını mezkür iş gruppanıñ işinde iştirak etmege davet ettiler.
Hatırlatamız ki, 17-19 aprel künleri QRM reisi Eskender BAriyev ve QRM meneceri Lüdmila Korotkih Nyu Yorkta BMT(OON) tamır halqlarnıñ meseleleri boyunca Daimiy forumnıñ işinde faal iştirak ettiler.