QRM terrorizmnen küreşüv şaraitlerinde insan haqlarını, esas serbestliklerini qoruv ve ilerletüv meseleleri boyunca Mahsus maruzacığa işğal etilgen Qırımda qırımtatar halqı ve ukraintaraflı ealiniñ taqip etilmesi haqqında esabat yolladı.
‘2014 senesinden başlap, işğalcı hakimiyet yarımadada ‘ekstremizm ve terorrizmnen’ faal küreşmege başladı. Rf Jeneva konventsıyasını bozaraq, öz qanunlarını işğal etilgen territoriyalarda amelge keçirmege başladı’,- denile vesiqada.
Ekspertlerniñ aytqanına köre, bu areketlerniñ esas maqsadı işğalni qabul etmegen qırımtatar halqı ve ukraintaraflı ealige nisbeten terrorist ve ekstremist obrazlarını meydanğa ketirmektir.
Öz çıqışlarında QRM-niñ ekspertleri Qırımdaki işğalcı hakimiyetniñ areketlerine qarşı çıqqan qırımtatar ve ukrain faallerinen küreş etmekniñ eñ sıq qullanılğan aletleri haqqında hikãye ettiler. Ayrıca ‘Hizb ut-Tahrir’, ‘İyegova şaatları’, ‘Noman Çelebicihan adına batalyon’ kibi davalar bahs etildi. Şundan da ğayrı, ekstremizmnen küreş sıfatında 2016 senesi RF Qırımtatar Mlliy Meclisini ekstremist teşkilãt olaraq tanıp, faaliyetini yasaq etti.
‘Rusiye haqsız-qanunsız şekilde terrorizm ve ekstremizmnen küreş etkeni kibi köstererek, qırımtatar ve ukraintaraflı ealini taqip etkeninen aynı zamanda özü Ukrainağa qarşı terroristik usullarını işlete’,- qayd ettiler QRM ekspertleri.
