Yahşı körmegen insanlar içün Brayl şrifti işlep çıqarıldı.
Şrift mutehassıs Harris Moubrey tarafından uydurıldı ve filolog Nariman Seytyagya tarafından taqdirlendi. Rustem Skibin ve dizayner Aleksandr Marçenko ise şriftniñ sıfatını işlep çıqardılar.
Qırımtatar tili YUNESKO tarafından yoq olmaq havfı altında bulunğan tiller cedveline kirsetilgenini közge alsaq, qırımtatar tiliniñ saqlanmasına yardımcı olmaq soñ derece emiyetlidir.
Qırımtatar Resurs Merkezi Ukraina tamır halqınıñ tili saqlansın ve inkişaf etsin diye elinden kelgenini yapmaqta. Misal olaraq, 2019 senesi QRM insan haqları Umumiy Deklaratsıyası qırımtatar tiline tercime etildi ve OON resmiy saytında yerleştirildi. 2021 senesi insan haqları boyunca Avropa Konvenstıyası tercime etildi.
Şundan da ğayrı, QRM saytı dört tilde çalışmaqta, şu cümleden qırımtatar tilinde de.
Böyle etip, QRM qırımtatar tiliniñ saqlanmasına öz issesini qoşmağa ve elinden kelgeni qadar onıñ inkişaf etilmesine yardımcı olmağa devam ete.