28 yıl evel, 1995 senesi 14 mayıs künü, Qırımda qırımtatar yaşlarınıñ Birinci Qurultayı keçirildi. Tedbir devamında birinci qırımtatar teşkilãtı – Qırımtatar yaşlar merkezi teşkil etildi.
Bütün bu vaqıt devamında çoq iş yapıldı. Şahıslar, reisler, atta nesiller deñişti. QYM teşkilãt azalarınıñ episine öz vaqtında pek tesir etken edi. Olardan büyük qısmı bu künge qadar qırımtatar halqınıñ içtimaiy-siyasiy ömründe faal iştirak etip kelmekte.
QYM azalarınıñ hatıralarını bu yerde tafsilãtlıca oqumaq mümkün.
Ekinci Qırımtatar yaşlar Qurultayı ise 14 mayıs künü Qırımtatar yaşlar künü olaraq qayd etmek qararını aldı. Bayram her yıl Aqmescitte keçirile edi. Adet üzre, Qırımtatar yaşlar kününe eñ faal ve çeşit saalarda yeñişlerge sahip olğan yaşlar mükãfatlandırıla edi:
‘Jurnalistikada elde etilgen yeñişler içün’
‘Oquvda elde etilgen yeñişler içün’
‘Medeniyette elde etilgen yeñişler içün’
‘Sportta elde etilgen yeñişler içün’
‘İlimde elde etilgen yeñişler içün’
‘İş sahasında elde etilgen yeñişler içün’
Qırımtatar Resurs Merkeziniñ taqımı Qırımtatar yaşlar künü ile hayırlay!
