Cuma künü 18 avgustta qırımtatar ve litva tatarlarnıñ temsilcileri körüşti
Körüşüvde Litva Cumhuriyeti Hakimiyetiniñ milliy azğınlıqlar Departamentniñ müdiri, felsefe ilimler doktorı Vida Montvidayte, Litva seymniñ deputatı Daliya Asanaviçüte, Litva tatarları cemiyetiniñ reisi Motieyus Yakubauskas, QMC işğal etilgen territoriyalarnı reintegratsıya ve deokkupatsıya meseleleri boyunca Mesleat keñeşiniñ azası Adas Yakubauskas, DESS ve Qırımtatar Milliy Meclis temsilcileri iştirak ettiler.
Şundan da ğayrı, körüşüvge Qırımtatar resurs merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev, QRM meneceri Lüdmila Korotkih ve QRM kommunkatsıya meneceri Tatyana Savçuk qoşuldılar.
QRM taqımı Halqara tamır halqlar kününe hazırlanılğan informatsıon-vizual mahsulatlarnı taqdim etti: videorolik, infografika, plakatlar.
Tamır halqlarnıñ meselelerine bağışlanğan böyle kibi informatsıon kapmaniyalarnı muntazam şekilde keçirmege tırışamız, çünki ukrain cemiyetiniñ bu mevzuda daha çoq bilgige muhtac olğanını köremiz. Bazıları tamır halqlar ve milliy azğınlıqlar arasında farqını, bazıları ise Ukraina tamır halqı ne içün ukrainler olmağanını añlamay. Şu sebepten bu saada işimizni devam etmek pek emiyetlidir’,- dedi Eskender Bariyev.
Ekspert qayd etkeni kibi, ‘Ukraina Tamır halqları haqqında qanun’nıñ qabul olunması- mühim adım. Mezkür qanun sayesinde Ukrainada tamır halqlar kim olğanına dair mesele resmiy belgilendi.
‘rf prezidenti Vladimir Putinniñ siñirli qarşılığı mezkür qanun ne qadar effektiv olğanını numayış etti’, – dep qoştı o.
Eskender Bariyevniñ aytqanına köre, qanunnıñ qabul etilmesi tam netice sayılmaz. Bu qanun çalışqanını temin etmeli. Qanunnıñ her bir maddesini añlatqan ilãve maddeler olmalı.
‘23 avgust künü Ukraina Nazirler Kabineti ‘Ukraina tamır halqınıñ temsiliy organınıñ huquqiy statusını belgilev tertibi’ adlı ilk qanunnı qabul etti,’- dep qoştı o.
Hatırlatamız ki, belli olğanı kibi, daha qararnen 15 qanunnı qabul etmek ve eñ azdan 10 Ukraina qanunına deñişmeler kirsetmek kerek