Qırım işğaliniñ 10 yılı devamında yarımada haqsızlıq terrtioriyasına çevirildi. 2014 senesinden soñra biñlernen faal cemaatçı öz vatandaşlıq mevamı içün repressiyalarğa oğratıldı. Bir sıra cinaiy davalar açıldı, taqip, tutuqlama, tintüvler keçirile, adamlar ğayıp oluna. Cenk başlağanından soñra ise böyle kibi areketler Ukrainanıñ yañı işğal etilgen territoriyalarda da yüz bermege başladı.
Qırım tamır halqlarından biri- qırımtatarlar ayrıca zor vaziyette bulunıp, toqtamadan basqı altındalar. QRM-niñ malümatlarına köre, Qırım işğali devrinde siyasiy mahbüs ve cinaiy davalar boyunca taqip etilgenlerniñ sayısı 305-ke yetti, olardan 205-qırımtatardır.
Şundan da ğayrı, 2017-2023 seneleri işğal etilgen Qırımda 9006 kere insan haqları bozuldı, olardan 6365 – qırımtatarlarğa nisbeten.
10 yıllıq basqı ve taqipten soñ insanlar boldurdı ve Qırımda artıq insan haqlarınıñ kefaletine sahip çıqmağa isteyler. Yani:
1. Hayat, serbestlik ve şahsiy toqunamamazlıq haqqı;
2. İnsan menligine itibar. Hiç kimse işkence, qaba, sert, insan menligini ıncıtqan cezalarğa oğratılanamaz.
3. Yerni deñiştirmek, yaşamaq yerini saylamaq, Ukraina territoriyasını terk etmek serbestligi.
4. Fikir ve söz serbestligi, öz mevam ve noqtainazarlarını serbest ifade etmek haqqı;
5. Dünyabaqış ve din serbestligi;
6. Barışıq toplaşma ve birleşme serbestligi;
7. Mülk qorulması. Öz mülkine, intellektual ve icadiy faaliyetiniñ mahsullarına sahip çıqmaq, olardan faydalanmaq haqqı;
8. Yaşayışına qazanmaq içün saylağan ya da yapmağa razı olğan işte çalışmaq haqqı. İş adamı olmaq haqqı;
9. İçtimaiy qoruma, sağlıqnıñ qorulması, tibbiy yardım ve tibbiy sigorta haqqı;
10. Tasil almaq haqqı.
Qırım işğalden azat etilgen soñra Ukraina yarımadada insan haqları qorulmasınıñ kefili olmalı.