Qırım işğal etilgenine aman-aman 10 yıl olacaq. Bütün bu vaqıt içerisinde rusiye hakimiyeti tamır halqlar ve ukrainlerniñ yarımadanen olğan bağını bütünley silmek ğayretinde edi. Onıñ yerine ise öz medeniyeti, til, degerlikleri, ürf-adetlerini pekitmege tırışa edi.
Şunı añlamalımız ki, Qırım işğalden azat etilgen soñra bayağı zor vaziyetnen qarşılacaqmız ve Qırımnıñ ukrainizatsıya esnasını bütün ealiniñ menfaatlarını közde tutaraq keçirmesi kerek olacaq.
Qırımtatar Resurs Merkeziniñ taqımı ille de pozitiv ukrainizatsıya keçirilmesine urğulay, yani şu demek:
1.Qırımda territoriya ve narrativlerniñ(tariflerniñ) dekolonizatsıya, deimperiyalizatsıya ve dekomunizatsıyası;
2.Qırım ve tamır halqları haqqında aqiqiy tarihşınaslıqnıñ şekillendirme ve inkişaf ettirilmesi;
3. Qırımda huquq Üstünliginiñ yañıdan tiklenilmesi;
4. Ukraina tamır halqlar haqlarınıñ qorulması ve amelge keçirilmesi;
5. Ukrain tiliniñ Ukraina devlet tili olaraq hayatnıñ her bir saasında qullanılmasını temin etmek;
6. Qırımda milliy azlıqlar haqlarınıñ qorulması;
7. Ukraina tamır halqlar tilleriniñ saqlanılması ve inkişaf etilmesi, milliy azlıqlar tilleriniñ saqlanılması;
8. Tarihiy adaletniñ tiklenilmesi ve Ukraina medeniy mirasınıñ qorulması;
9.Ukraina milliy muhtariyeti ve territorial bütünligi saqlavınıñ kefaleti ;
10. Avropa ve avroatlantik integratsıya.
Pozitiv ukrainleştirüv çeşit etnik gruppalar ve medeniyetler arasında añlaşuv ve dialog qurulması içün şaraitler qurulmasını közde tuta. Bu da Qırımda aenkli, inklüziv bir cemiyetni şekillendirmege yardım etecek.