Aqmescitte Kiyev rayon ‘mahkemesi’ binasına yanında işğalcılar yaqında tutuqlanğan qırımtatarlarnıñ davaları boyunca toplaşuvğa kelgen sakinlerni yaqalaylar. Bu aqta ‘Qırım birdemligi’ haber ete.
Belli olğanı kibi, umumen 23 adam yaqalandı, aralarında yaqında tutuqlanğanlarnıñ tuvğanları da bar. Adamlarnı avtobusqa yüklep, Aqmescitteki Kiyev polis bölügine alıp kettiler.
Yaqalanğanlardan Eldar Aliyevni yüzünen yerge sürip, arqasında qollarını burdılar. Daha bir esli başlı vatandaşımız- Enver Seitmemetovğa qarşı da fizik küç işletildi.
Seydamet Mustafayev Aqmescitteki SİZO-2 hapiste 23 oktãbrge qadar bulunmasına mahküm etildi. 23 okãbrge qadar Eldar Yakubov da hapiste bulunacaq. Huquqqoruyıcılarımız yaqalanğanlarnıñ cezaları ev hapisligi şekilinde olmasını talap etmekteler.