QRM reisi Eskender Bariyev ‘Qırım.Aqiqat’ portalına intervyu bergende qayd etkeni kibi, işğal etilgen Qırımda al-azırda aqiqiy ‘ekotsıd kerçekleştirile’.
‘QRM ekologiyanen bağlı işğalcı memuriyetiniñ porgammalarını monitoringini keçire. Böyle programmalarından biri ‘Ekologiya’ adlı milliy leyhadır. Amelleriniñ esabatına binaen 2022 senesi 5 milliard ruble menimsenilgeni bayağı salmaqlı netice olaraq körüne. Faqat, rusiye sistemanıñ rüşvetçiligini közde tutaraq, esabatta qayd etilgen raqamlar kerçekmi, aceba, degen sual peyda ola’,- dedi o.
Şundan da ğayrı, daha bir sualimiz bar ki, o da- bu leyha ‘Qırım köpüri’, ‘Tavrida’, ‘Teploelektrostantsıyalar’ kibi büyük leyhalar, qoruq territoriyalarnıñ qurulması, tabiy menbalardan içilgen suvlarnı mantıqsız işletilmesiniñ neticesinde Qırım tabiatına yapılğan zararnıñ qarşılığını berecekmi, aceba?
‘İşğalniñ başından berli keçirilgen harbiy talimler, Ukrainağa qarşı cenk başlağanından Qırımdan çıqartılğan raketalarnıñ etrafqa yapqan zararlarnı aytmayım bile. Ekotsıd haqqında aytqanımızdan işğalcılar tesirleneler. Faqat ‘Ekologiya’ kibi milliy leyhalar ise yapılğan ekotsıdnıñ qarşılığını ödemesinde sadece bir zerredir’,- qoştı Bariyev.