Eñ belli ve pekingen miflerden biri – ‘Aqyar- rus şerefi şeheridir’.
Kerçekten rusiyeliler Aqyarnı rus şeherine çevirmek maqsadınen yıllar devamında çalıştılar. Onlarnen yır, film, kitap, sergi bu mevzuda yazılğan, teşkil etilgendir. şundan da ğayrı, işbu mif Qırım işğalini desteklenmesi içün esas unsurlardan biri edi. Aqyar ne içün ‘rus şerefi şeheri’ olmağanı bilesizmi?
XIX ve XX asırlar devamında şeher 5 kere qamaçavğa oğratıldı: 1854-55, 1918, 1919, 1941-42 ve 1944 seneleri. Hiç biri ğalebenen yekünlenmegenini tarihiy menbalardan ögrenmege qıyın degil.
1853-1856 seneleri Qırım cenki rusiye ordusınıñ Avropa ordularına qarşı beceriksizligini numayış etti. Bu yerde generallarnıñ cahilligi, areketleriniñ tüşünmeden yapılması, yolbaşçılarnıñ bilgisizligi közde tutula.
Fransız ve inglizler o vaqıtta böyle şaqa ete ediler: ‘ Rusiye ordusı askerleriniñ arslan, zabitleriniñ- eşek başları bar, generalları ise zaten başsızdır’.
Böyle eken, Aqyar ‘rus şerefi şeheri’ ola bilemi?
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.