QRM meneceri Lüdmila Korotkih ‘Suspilne Krım’ intervyu devamında işğal etilgen Qırımda RF Ukrainağa qarşı cenk başlağan soñ olğan vaziyetni izaat etti.
‘Qırımda kün-künden söz serbestligine basqı artmaqta. 2022 senesiniñ ilk yarısında Qırım sakinleri 661 biñ ruble qadar cöneme tölediler. Cöneme sebepleriniñ ekseriyeti- ‘rusiye ordusınıñ diskriminatsıyası’ maddesine ait’,-dep añlattı o.
Lüdmila Korotkih aytqanına köre, Qırımda aynı zamanda işğalcı hakimiyetniñ qarşı çıqmaları da artmaqta.
‘Gece, şiddetsiz qarşılıqnıñ alãmeti olaraq, bayraq ve yapıştırıcılar peyda ola. Cebbede işlerimiz oñ ketse, Qırımda daha çoq qarşılıq areketler kösterilir’,- qoştı QRM meneceri.