Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev BMT(OON) tamır halqlar boyunca daimiy forumnıñ 21 sessiyasında iştirak etti.
Öz çıqışında Bariyev ‘Ukraina tamır halqları haqqında’ Ukraina qanunınıñ qabul etilmesine ve buña dair RF munasebetine diqqatnı celp etti. RF Ukraina iç işlerine kirişir eken, Ukranada tamır halqlar haqqında qanun qabul etilmesine qarşı çıqmağa başladı. 2021 senesi 8 iyünde RF devlet duması Ukrainada Ukraina tamır halqlar haqqında qanunınıñ qabul etilmesine qarşı beyanat qabul etti. QRM fikrine köre, işbu qanunnıñ qabul etilmesi Ukrainağa qarşı başlatılğan cenkniñ sebeplerinden biridir. Putinniñ mezkür Qanunnı lãğu etmek talabı ve RF ve Almaniya ve Frantsıya arasındaki diplomatik yazışma bunı tasdiqlay.
Şundan da ğayrı, ekspert qayd etkenine köre, fin-venger halqlar Assotsıatsıyası ve Rusiye şimali az sayılı tamır halqlar assotsıatsıyası Rusiyeniñ Ukrainağa qarşı başlatılğan cenkke qol tuttılar. Böyle etip, mahsüm halqnı, tamır halqlarnıñ öldürilmesini, insaniyetkikke qarşı cinayetlerni desteklediler.
‘Prezidentni bu teşkilãtlar BMT tamır halqlar boyunca daimiy forumına saylanılmasına yol bermemege rica etem’, – dep qoştı Bariyev.