Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev ‘Azatlıq radiosı’na intervyu bergende Geniçesk rayonında ‘rusiye askerleri yerli memurlarnı işbirlikke qandırmağa çalışqanlarını añlattı.
‘Geniçesk rayonında vaziyet ağır qalmaqta. İşğalcılar hakimiyetni öz nezaret almağa tırışqanları körüne, olarnıñ arasında işğalcılarnen işbirlik yapqan hayinler de bar. Şu cümleden, deputat korpusınıñ temsilcileri. Olar Kloçko degen adamnı Geniçesk rayonı ‘memuriyet vazifelerini becergen’ olaraq tayin ettiler. Başqa taraftan, bütün köy başlarından tek beşi işğalcınen işbirlik yapqanı quvandıra’, -dedi Bariyev.
Onıñ aytqanına köre, çeşit yönelişlerde tayin etilgenler de bar. Şundan da ğayrı, işğalcılar tasil ve medeniyet temsilcilerini ‘umumiy toplaşuvğa’ toplamağa tırışalar, amma neticesiz. Rusiye askerleri ‘insanlarnı qaçırıp, qorquzmağa devam eteler’.