Çarşenbe künü, 8 martta, qırımtatar Milliy Meclisiniñ ofisinde Halqara cumhuriyet institutınıñ (HCİ), HCİ programmalarınıñ yolbaşçısı Timoti Stoutzenberg ve programma yardımcısı Ayar Memetovnen körüşüv keçirildi.
Körüşüvde qırımtatar Milliy Meclis reisi Refat Çubarov, Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı Eskender Bariyev ve qırımtatar Meclis azası Riza Şevkiyev iştirak ettiler.
Eskender Bariyev, HCİ de 24-yıl çalışır eken ve bugünki kerçeklerini közde tutaraq, Qırım reintegratsıyasına gençlerni hazırlamaq içün ve qırımtatar Milliy Meclisiniñ institutsıonal imkãnlarını kenişletmege doğrultılğan maarif programmalarını işlep çıqarmaqnı teklif etti.
‘Meselelerniñ emiyetini közde tutaraq, eñ yaqın zamanda işbirligimizniñ neticelerinen tanış olmaq mümkün olacaq’,- qayd etti o.