Bugün, oktãbrniñ 24-ünde Latviyada, Riga şeherinde Qırım Platformasınıñ III Parlament Sammiti başlandı. Tedbirde çeşit devletlerniñ 70 parlamentinden ve halqara teşkilãtlardan spikerler iştirak etti.
Sammitniñ maqsatlarından biri – 1944 senesi qırımtatar sürgünliginiñ çeşit devletler tarafından genotsid olaraq tanılmasıdır.
Hatırlatamız ki, QRM ekspertleri Qırım paltforması ekspert ağınıñ eki iş gruppasınıñ faal iştirakçileridir. Sammitke ayrıca QRM reisi, qırımtatar Milliy Meclisiniñ azası, ‘ Tamır halqlar haqlarınıñ tiklenilmesi Qırım deokkupatsıyasınıñ bir aleti olaraq’ iş gruppasınıñ yolbaşçısı Eskender Bariyev de qoşuldı.
Tedbirde QRM tarafından azırlanılğan ve 1944 senesi sürgünlikni genotsıd olaraq tanılmasınıñ emiyetligini añlatqan informatsıon beyannameler darqatıldı.
Taqımımız Qırım deokkupatsıyası boyunca em milliy, em de halqara seviyede keçirilecek faal işlerge qol tutmağa devam etecek.
Foto: Eskender Bariyev, Mariya Mezentseva.
Latviyada Qırım Platformasınıñ III Parlament Sammiti başlandı
October 24, 2024
