Cuma künü avgust 9-da Ukrain krizis matbuat merkezinde Halqara tamır halqlar künü munasebetinen ‘Tamır halqlar: rusiye zulumı şaraitinde menlikni saqlav ve meseleler arasında’ mevzulı brifing keçirildi.
Spikerler:
- Viktor Yelenskiy, Ukraina etnosiyaset ve vicdan serbestligi boyunca Devlet hızmetiniñ reisi.
- Ahtem Çiygöz, ukrain qırımtatar siyasetçisi, qırımtatar Milliy Meclisiniñ reis muavini
- Eskender Bariyev , QRM reisi
- Yelizaveta Litvinçuk, ‘Ukraina qarayları birligi’ Cemaat teşkilãtınıñ azası
- Vãçaslav Lombrozo, ‘Qırım tamır halqlarına destek ve araştırma Fondu’ Halqara cemaat teşkilãtınıñ reis muavini, qırımçaq tamır halqnıñ temsilcisi(onlayn)
- Sires Bolãyen(Aleksandr Bolkin), erzã halqınıñ aqsaqalı, Ukrainada erzã halqınıñ cemaat reisi;
- Denis Kovalöv, felsefe doktorı, Mokşans milliy komitetiniñ reisi, Serbest Milletler Ligası Prezidiumınıñ azası, Anatoliy Rãbov adına fin-ugor araştırma merkeziniñ mudiri(onlayn)
- Yuriy Radçenko, V.Vernadskiy adına TMU qırımtatar ve şarqşınaslıq kafedra mudiri, Şarqiy Avropa etnikara munasebetler araştırma Merkeziniñ mudiri.
Tedbir ketişatında rusiye zulumı tamır halqlarnıñ yaşayışına nasıl tesir etkeni, tamır halqlar öz milliy menligi oğrunda kureşinde nasıl meselelernen rastkelgenleri, tamır halqlar haqlarınıñ qorumasında halqara destek ne qadar emiyetli olğanı muzakere etildi.
Eskender Bariyev qırımtatar halqı Ukraina tamır halqı olaraq tanılmasınıñ yolunı tarif etti.
‘Qırımtatarlar Ukraina tamır halqı olaraq tek 2014 senesi tanıldı. Qırımtatar Milliy Meclisiniñ Ukraina Yuqarı Şurasına, bütün ukrain halqına muracaat etkeninden, Ukrainanıñ territorial bütünligine qol tutqanından soñra qırımtatarlar resmiy şekilde Ukraina tamır halqı olaraq tanıldı, temsil organları ise Ukraina territoriyasında resmiyleştirildi’, – qayd etti o.
‘2021 senesi ‘Ukraina tamır halqları haqqında ‘ qanun qabul olundı.
‘ ‘Tamır halqlar haqqında’ qanunnı amelge keçirilmesi boyunca mahsus ekspert keñeş bar. Tamır halqlarnıñ temsilcilerinden ibaret cemaat keñeşi de bar. Onıñnen birlikte qanun semereli çalışması içün mahsus maddelerni işlep çıqardıq. Amma iş daha bitmedi. Esaplarımızğa köre, mezkür qanun mahsuldar çalışması içün 17 qanunastı madde kerek. Şimdilik tek 2 danesi qabul olundı: temsiliy organlarınen mesleatlar haqqında ve tamır halqnıñ temsiliy organınıñ huquqiy statusı haqqında’, – qayd etti ekspert.