Cumaaqşamı künü, 29 iyünde televideniye ve radio meseleleri boyunca Ukraina Milliy keñeşte islamğa qarşı nefret ve duşmanlıq darqalmasına ait meseleler muzakere etildi.
Körüşüvde cemaat erbapları, ekspertler, devlet organları temsilcileri itirak ettiler. Ayrıca, muzakerege QRM reisi ve Qırımtatar Milliy Meclis azası Eskender Bariyev ve QRM kommunikatsıya meneceri Tatyana Podvornãk qoşuldılar.
‘Kütleviy Haber Vastalarınıñ işi devlet muessise, cemaat ve diniy teşkilãtları tarafından meydanğa sünülgen haberler üzerinde esaslana. Bu haberler prpvokatsıya meyilinde olmaması mühimdir. Aynı zamanda müsülmanlar haqqında haberlerni müsbet mühitte, misal olaraq, Prezident iştiragı ile resmiy seviyede keçirilgen iftar haberi kibi berilmesi kerek’,- qayd etti Bariyev.
Körüşüv neticesinde islamğa qarşı nefret ve duşmanlıq meydanğa ketirgen haberlerni seçip almaq kriteriyaları hazırlanılacaq. Öz tarafından QRM ekspertleri televideniye ve radio meseleleri boyunca Ukraina Milliy keñeşine öz tekliflerini endi yolladılar.