Kiyevde dünyada eñ balaban qırımtatar bayrağı açıldı – o, Ukraina rekordlar kitabına kirsetildi.
Bayraqnıñ ölçüsi – 9 ve 16 metr. Rekordnı Ukraina tarihi Milliy muzeyinde qayd ettiler.
‘Suspilne.Krım’ bu vaqia nasıl keçkenini tarif etti:
‘ Böyle künde siznen beraber olmaq menim içün şereftir. Ukraina içün, bütün halqım içün. Bütün Ukraina, qırımtatarlarnıñ yapqanları bir büyük maqsad oğrunda yapıla – bütün territoriyamıznıñ deokkupatsıyası: ayrıca da vaqtınca işğal etilgen Qırım yarımadasını işğalden azat etmek içün,’- añlattı aktsıyanıñ teşkilãtçısı İsmail Ramazanov.
Onıñ daa aytqanına köre, Qırım azat etilgen soñ bu bayraq deokkupatsıya Muzeyine teslim etilecek.
‘Bu bayraqnıñ tarihı soñsuzdır, dep tüşünem. Asılında saymağa başlasaq, Lvov, Kramatorsk, Odessa, Vinnitsa, Melitopol, Geniçesk, Novoalekseevka, Dnepr de . Acayip insanlar. Olar esas şeyni yaptılar. Bayraq üstünde özlerinden bir parçaçıqnı qaldırdılar’,- qayd etti Ramazanov.