Cumaaqşamı künü 23 martta Bağçasarayda sabadan rusiye silãhlı küçler Qırımtatar Qurultayı delegatı- Mustafa Mustafayevniñ evine basıp kirdiler.
Belli olğanı kibi, tintüvden soñra FHH(FSB) hadimleri Mustafa Mustafayevni yaqalap, Aqmescitke alıp kettiler.
İşğalcılar Mustafa Mustafayevden ğayrı, onıñ oğlu – Sabrini ve qomşusı – Şevket Yuldaşevni yaqaladılar.
Yañı alınğan haberlerge köre, FHH(FSB) hadimleri Mustafa Mustafayev ve onıñ yegeni- Şevket Ergaşevni yaqalağanlar. Onıñ evinde de tintüv keçirildi. Mustafa Mustafayevniñ eki oğlu – Amet ve Sabri ise FHH(FSB) binası yanında bulunmaqtalar.
Saat 20.20 Mustafa Mustafayev ve yegeni Şevketni sorğudan soñra serbest qaldırdılar.