Qırım Rusiye tarafından işğal etilgen soñ ğayıp olunma, qaçırılma, öldürüvler adetiy alğa çevirildi. QRM malümatlarına köre işğal devri içerisinde 60 adam, olardan 28 qırımtatar öldürildi.
Mezkür kategoriya böyle tasnif etile:
Siyasiy repressiyalarnıñ qurbanları (4, 3 – qırımtatar);
Diskriminatsıya qurbanları (13, 11- qırımtatar);
Terror qurbanları (30, 8 –qırımtatar);
Polis hadimleriniñ areketleri neticesinde qurban ketkenler (13,6-qırımtatar).
Yazıq ki, Kremlge tabi olunğan Qırım hükümeti bu kibi vaqialarnı tetqit etkeni kibi kösterip, köz boyalamaqta. Albu ki, Rusiye işğalcı devlet olaraq tanıldı ve öz territoriyasında insan haqlarınıñ amelge keçirilmesi içün mesüliyetlidir.
QRM hadimleri ve ekspertleri BMT(OON), OBSE, PASE kibi halqara meydanlarda halqara cemiyetni insan haqlarınıñ bozuvlarından defalarca haberdar etti.
Biz Qırımda qırımtatarlarnı qorquzmaq içün yapılğan basqı, tutuqlama, hapis, yaqalama, qaçıruv, öldürüvlerni takbih etemiz.