QRM-ne belli olğanı kibi, işğal etilgen Qırımda qısmen seferberlikniñ başlanmasınen 60 biñge davet yazılğan edi, 20 biñ adam ise seferberlikke yollanılğan edi.
Davetler bütün Qırım boyunca darqatıldı: adamlarğa şahsen ellerine berip, imza qoydıra ediler, poçta qutularına qaldıra ya da yaqın tuvğanlarğa teslim ete ediler. Bazıda davetler köy ya da şeher soqaqlarında berile edi. Bazı Qırım şeherlerinde davetlerni camiden çıqqan adamlarğa tuttura ediler. 2023 senesi 25 avgustta tutuqlanğan qırım faallerine bile rf ordusına hızmet davetini teslim etken ediler.
Yazıq ki zorbalıqnen seferberlikke alınuv da qayd etildi.
İşte sizge orduda hızmet daveti berilse, amma siz rf ordusına hızmet etip cinayet yapmağa istemeseñiz, ne yapmalı?
Diqqatıñızğa QRM tarafından işlep çıqarılğan infografikanı taqdim etip, faydalı olmaq ümütindemiz.