14-15 aprel künleri Sofiya şeherinde olıp keçecek havfsızlıq boyunca II Qaradeñiz konferentsıyası Ukraina ve Bulğaristan tarafından teşkil etilgen.
Mezkür konferentsıya Qırım platformasınıñ ekinci tedbiri ve Qaradeñiz regionında havfsızlıq meselelerini muzakere etmek ve çezilüv yollarını tapmaq içün meydandır.
Konferentsıyada 42 devlet ve 8 halqara teşkilãtnıñ temsilcileri iştirak etecek.
Konferentsıya iştirakçileri rusiye zulumınıñ Qaradeñiz regionındaki havfsızlıq vaziyetine tesirini talil etecekler, mevcut telükelerge qarşılıq kösterüv strategiyalarını ve havfsızlıq kelecegini muzakere etecekler. Muzakereniñ merkezinde ukrain barış formulasınıñ amelge keçirilmesi turacaq.
Hatırlatamız ki, QRM ekspertleri Qırım Platforması ekspert ağınıñ eki iş gruppasınıñ faal iştirakçileridir: ‘Tamır halqlar haqlarınıñ yañıdan tiklenilmesi Qırımnı işğalden azat etme (deokkupatsıya) aleti olaraq’ ve ‘ İqtisadiyat ve ekologiya’.