Qırımtatar resurs merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyevniñ Qırımda işğal şaraitinde yaşayış haqqında maqalesi ‘Medeniy saqlanuv’ devletten tış halqara teşkilãtınıñ saytında derc etildi.
‘Medeniy saqlanuv’ teşkilãtı (Cultural Survival) AQŞ, Massaçusets ştatı, Kembricte resmiy qayd etildi ve tamır halqlar tarafından idare etile. Teşkilãt tamır halqlarnıñ haqlarını qorçalay ve öz-özüni tayin etüv, medeniyet ve siyasiy devamlılığını 1972 senesinden berli destekley.
Eskender Bariyevniñ maqalesi tamır qırımtatar halqı, onıñ öz halqarı ve serbestligi oğrunda küreşi haqqında hikãye ete.
Halqara cemaatçılıqnı putin rejiminiñ Ukraina tamır halqlarına qarşı cinayetleri, taqip, tintüv, tutuqlama, hapis ve haqlarnıñ bozuvlarından haberdar etmege devam etmektemiz.