Salı künü, oktãbrniñ 15-inde saat 10.30 QRM Ukraina krizis mediamerkezinde işğal etilgen Qırımda 2024 senesiniñ 9 ayı devamında insan haqlarını bozuvlarnıñ talilini taqdim etecek. Şundan da ğayrı, QRM Herson ve Zaporojye vilãyetlerinde de insan haqlarınıñ bozuvlar talilini taqdim etecek.
Spikerler:
Eskender Bariyev – QRM reisi, qırımtatar Milliy Meclisi azası:
Tatyana Savçuk – QRM kommunikatsıya meneceri;
Ayşe Kurtamet – siyasiy mahbüs Appaz Kurtametniñ anası.
Matbuat konferentsıyasında Qırım işğalcı hakimiyetiniñ qanunsız areketleri, hayat, serbestlik, havfsızlıq ve şahsiy toqunmamazlıq haqları, esas haqlarnıñ (adaletli mahkeme, fizik ve ruhiy sağlıqnıñ eñ yüksek seviyesine haq) 2024 senesiniñ 9 ayı devamında bozuvlarnıñ talili taqdim etilecek.
Konferentsıya çerçivesinde bir sıra suallerge cevap ala bilesiz.
Tedbirni QRM Facebook sahifesinde seyir etmege mümkün olacaq. https://www.facebook.com/ctrcenter