Soñ üç asır devamında Qrım yarımadası rusifikatsıya ve sovetizatsıya altında olğan edi ki, bu da coğrafik adlarnıñ deñiştirilmesinde açıq-aydın akis olmaqta.
Eñ evelã rusiye hakimiyeti çeçit devirlerde Ukraina tamır halqları – qırımtatar, qaraim, qırımçaqlarnıñ til, tarih, medeniyetini yoq etmege ve olarnı tuvğan topraqlarından üzmege tırışa edi. Qırımda biñlernen mesken yer, coğrafik obyektlerniñ tarihiy adları deñiştirildi. Misal olaraq, Aqmescit – Simferopol, Aqyar – Sevastopol, İçki- Sovetkskoye olıp qadlı.
Bügünde bugün Qırımnıñ tarihiy toponimikasınıñ tiklenmesi pek mühimdir. Qırımtatarlar içün öz menligini saqlamaq hayat ve şeref meselesidir. Toponimika da bu sırada adaletni tiklemek, Qırımnı işğalden azat etmek, ğalebemizge yetmek içün ciddiy adımdır.
Şu sebepten de QRM ve qırımtatar Milliy Meclisi yañı ‘Adlarnı qaytarmaq-Qırımnı qaytarmaqtır’ serlevalı informtasıon kampaniyasını başlata. Kampaniya çerçivesinde bahs etilecek mevzular:
· Qırım tarihiy adları ne vaqıt deñiştirildi?
· Rusiye toponimikanı informatsıon cenkinde nasıl işlete?
· Ukraina tamır halqları, Ukraina devlet olaraq ve halqara cemaatçılıq içün Qırımdaki tarihiy toponimlerni qaytarmaq ne içün mühimdir?
· Qırımda tarihiy toponimikanı nasıl etip qaytarmaq mümkün?
Bu ve diger mevzularnı saytımızda ve içtimaiy ağlarımıda her çarşenbe künü açıqlaycaqmız.
Dostlar, kampaniyağa destek kösterirsiz, degen ümüttemiz. Adlarnıñ emiyeti ne qadar büyük olğanını biz bilmesek, kim bilir…
Kampaniya ‘Tiklenüv’ halqara fondunıñ destegi ile kerçekleştirile. Plakatlar QRM faallileri tarafından işlenilip, ukrain ressamı Andrey Yermolenkonıñ qalemi altında lãyıq sıfatqa malik oldı.