‘Çeşitlilik zenginliktir! Ukraina tamır halqlarnı saqlayıq’: QRM Halqara tamır halqlar künü munasebeti ile içtimaiy ağlarda informatsıon aktsıyanı başlay

August 9, 2022

Qırımtatar resurs merkezi Halqara tamır halqlar künü munasebeti ile içtimaiy ağlarda informatıon aktsıyanı başlay. Her kesni bizge qoşulmağa davet etemiz.

 ‘Çeşitlilik zenginliktir! Ukraina tamır halqlarnı saqlayıq’ adlı aktsıyamızğa qoşulmaq içün içtimaiy ağlarımızdaki sahifelerge bağlantı yardımı ile keçiñiz:

Facebook: https://www.facebook.com/CTRC2015  https://www.facebook.com/liberatecrimea

Twitter: https://twitter.com/ctrcenter

Instagram: https://www.instagram.com/ctrc_center/

Telegram: https://t.me/LIBERATECRIMEA

1.     Plakatnı saylañız

2.     Örnek metinni kopiyalap, öz sahifeñizge yerleştiriñiz ya da şahsiy fikir ve tüşünceleriñiznen paylaşıñız.

3.     Dostlarıñıznı davet etiñiz

4.     Dostlarıñızğa şahsiy misajlar yazıp, aktsıyağa qoşulmağa rica etiñiz.

Örnek metin:

 Men Facebookta QRM informatsıon aktsıyasına qoşulam ve bütün dünyağa çeşitlilik zenginlik olğanını numayış etmege isteyim.

Ukrain, qırımtatar, karaim, qırımçaqlar Ukraina territorial bütünliginiñ tiklenilmesi oğrunda birlikte küreşmege devam eteler.

Hatırlatamız ki, her yıl 9 avgust künü Halqara tamır halqlar künü qayd etile. Bu kün 1994 senesi OON Baş Assambleyasınıñ rezolütsıyasınen tayin etildi. Dünyada 90 ülkede yaşağan tamır halqlarnıñ 437 million temsili bar.

Ukrainanıñ üç tamır halqı bar: qırımtatar, karaim, qırımçaq. Bizim zenginligimiz çeşitliligimizdedir. Faqat, ne yazıq ki, artıq 9 yıl devamında tamır halqlar devletlerara dava şaraitlerinde yaşamağa mecbur. Şundan da ğayrı, tamır halqlarnıñ Vatanı-Qırım Rusiye tarafından arbiy tehnikanı saqlamaq içün bir meydan olaraq qullana.

 RF areketleri tamır halq-qrımtatarlarnıñ tamır halqlar Deklaratsıyasınıñ 7 maddesi tarafından közde tutulğan barışıq ve havfsızlıqta yaşamaq haqqını amelge keçirmekni imkãnsız ete.

Al-azırda, Ukraina içün bu qadar ağır zamanda, rusiye-ukraina cenki şaraitleirnde  birlikte davamıznı devam etmek pek emiyetlidir. Ukrain, qırımtatar, karaim ve qırımçaq halqlarınıñ bir umumiy maqsatları bar: serbest, mustaqil, bütün Ukrainada yaşamaqtır!

‘Çeşitlilik zenginliktir! Ukraina tamır halqlarnı saqlayıq’ aktsıyamızğa qoşulıñız ve bütün dünya ve duşmanımızğa da hep birlikte küreşmege devam etkenimizni numayış eteyik.

Mezkür plakatlarnıñ ğayeleri  #LIBERATECRIMEA halqara areketiniñ faalleri tarafından işlep çıqarıldı. Ukrain ressamı Andrey Yermolenko tarafından ise resimlerge çevirilidi.