QRM iqlim deñişmesi boyunca BMT(OON) konventsıyasınıñ nezaretçisi olacaq

July 22, 2022

Qırımtatar resurs merkezi iqlim deñişmesi boyunca OON konventsıyasınıñ nezaretçisi olaraq teklif etilgen edi. Bu da, QRM BMT(OON) iqlim deñişmesi boyunca konferentsıyasında faal iştirak etmege imkãn bere.

Hatırlatamız ki, iqlim deñişmesi boyunca BTM(OON) konferentsıyası her yıl çeşit ülkelerde keçirile. Nezaretçi statusı sessiyalarda çıqışlarda, beyanatlarda bulunmaq, aynı zamanda diger tedbirlerni teşkil etmege imkãn bere.

Şunı qayd etmege ister edik ki, Ukrainada QRM birlikte tek 9 teşkilãt bu statusqa nail oldı.

QRM taqımı böyle imkãn içün pek minnetdar. Bu yönelişte çalışmağa devam etecekmiz. Belli ki, Ukrainada Rusiye tarafından başlatılğan cenk Qırım ekosistemasına pek menfiy tesir ete.

 Hatırlatamız ki, QRM halqara ekologik teşkilãtlarğa  işğal etilgen Qırımdaki ekologik vaziyeti haqqında bir sıra beyanat, ariza, şikãyet, esabatlarnı teslim etti ve böyle etip, halqara cemaatçılıqnıñ yarımadada işğalcı hakimiyet tarafından kerçekleştirilgen ekotsıdge diqqatını çekti. Şundan da ğayrı, bu mevzuda bir sıra tedbirler keçirilip, informatsıon, analitik, vesiqalı mahsulat çıqarıldı.